Осыған дейін Үкіметте Қазақстан Үкіметінің отырысы өтіп жатқандығын хабарлаған болатынбыз.
Отырыста министрлер 2023 жылғы қаңтар-қазан айларындағы әлеуметтік-экономикалық даму қорытындылары және республикалық бюджеттің атқарылуын баяндап жатыр.
Қаржы вице-министрі Дәурен Темірбековтің баяндауынша, 10 айдың қорытындысы бойынша мемлекеттік бюджетке түскен кірістердің сомасы 15,5 трлн теңгені құрап, жоспар 98,3%-ке орындалды.
Атап айтқанда, республикалық бюджетке 10,5 трлн теңге, жергілікті бюджетке 5,1 трлн теңге қаражат түсті.
Мемлекеттік бюджеттің шығыстары 98,2%-ке, республикалық бюджеттің шығыстары – 99,4%-ке, жергілікті бюджеттердің шығыстары 97,2%-ке орындалды.
