17.01.2024, 12:15
Оқылды: 10

Аудан әкімі жас жұлдызбен жүздесті

Теректі ауданының әкімі Әлия Мұханбетжанова өңіріміздің мақтанышы, жас жұлдыз Айсезім Тілекқабыл мен жетекшісі Гүлназ Құсайнованы қабылдады.

7d170e6e-c19d-42e4-a4c5-d7c33a0f3bf9

Жуырда Македония астанасы Скопье қаласында халықаралық балалар және жасөспірімдер арасындағы халықаралық ән байқауының жеңімпаздары мен жүлдегерлері анықталған болатын.

Аталмыш ән байқауында 15-18 жас аралығындағы қатысушылар ішінен еліміздің намысын қорғаған теректілік Айсезім Тілекқабыл жүлделі ІІ орынды жеңіп алып, мерейімізді асырды.

66bc22eb-4398-464c-971e-ea97f9dc61e0

Жарыстан алған сезімдерін жетекшісі Гүлназ Құсайнова баяндап берді.

- Жарыс өте жоғары деңгейде ұйымдастырылған. Бұл біздің халықаралық бірінші байқауымыз. Соған қарамастан шәкіртімнің алдына Ұлыбритания мемлекетінен келген әнші түссе, үздік үштікті Словениядан келген қатысушы жеңіп алды.

a78ce2f4-6966-487e-a182-46c13fbb5be3

Байқауда Айсезім Латиф Хамидидің «Бұлбұлын» орындап, ерекше қошеметке бөленді. Әлемнің мықты деген музыка мамандары теректілік әншіге жоғары баға беріп, Айсезімді Италияда өтетін тағы бір халықаралық деңгейдегі байқауға шақырды. Сондай-ақ әлемдік 12 қатысушыға «Әлемдік деңгейдегі әнші» номинациясы берілді. Сонын ішінде біздің Айсезім де бар, -деді.

Аудан басшысы Әлия Биғазықызы Айсезімге ақ жол тілеп, әкесі Айбек Дәулетқалиевке де алғысын білдірді.

 

Балнұр Қуанышқызы,

Теректі ауданы

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале