Бүгін Халықаралық отбасы күніне орай Казталов аудандық ауруханасында ашық есік күні ұйымдастырылды. Айтулы мерекеге орай ұйымдастырылған ашық есік күнінде аурухана мамандары ауыл тұрғындарына тегін медициналық көмек көрсетіп, медициналық тексерулерден өткізіп, ем-дом шараларын тағайындады.
Сонымен қатар, ауыл халқына медициналық кеңес берілді. Осы күні салауатты өмір салтын қалыптастыру медбикесі Жеміс Ғабдолнасырованың бастамасымен медицина саласы қызметкерлерінің қатысуымен флешмоб және веложарыс ұйымдастырылды.
Айта кетейік, 13 мамыр күні №2 Казталов аудандық ауруханасында да Халықаралық отбасы күніне орай ашық есік күні ұйымдастырылып, халыққа медициналық қызмет көрсетілген болатын.
Асылбек Нәсіпқали,
zhaikpress.kz
