Дзюдо күресінен 2003-2004 жылы туған жасөспірім ұлдар мен қыздар арасында Қазақстан Республикасының чемпионаты өтіп жатқан Қостанай қаласынан сүйінші хабар жетті.
Чемпионаттың бірінші күнінде Казталов ауданының Жалпақтал ауылындағы аудандық балалар-жасөспірімдер спорт мектебінің шәкірті, қазіргі таңда Орал қаласындағы спортқа дарынды балаларға арналған облыстық мамандандырылған мектеп-интернатында оқып жүрген Айшабибі Мурадимова 44 келі салмақта Қазақстан Республикасы чемпионатының қола жүлдегері атанды.
Алдағы күндері күресетін шәкірттер Сенім Сейтқалиев пен Абай Елеусинов және БҚО-ның намысын қорғайтын палуандарға сәттілік тілейміз.
Қыдыр Харесұлы
Казталов ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер