Бәйтерек ауданында ұлттық спорт түрлерін ұлықтау, ата-баба дәстүрін жаңғырту және ел бірлігін нығайту мақсатында ұйымдастырылған «Дала қызықтары» атты мерекелік шара өтті.
Облыстың әр өңірінен келген спортшылар қатысқан тартысты додада ешқандай салмақ шектеуінсіз өткен арқан тартыс бәсекесі ерекше тартысқа толы болды. Осы сайыста Шыңғырлау ауданының «Алмаз» құрамасы қарсыластарына дес бермей, ұйымшылдық пен табандылықтың озық үлгісін көрсетіп, жүлделі I орынды иеленді.
Жарыс қорытындысы бойынша екінші орынды Бөрлі ауданы, үшінші орынды Көктерек командасы, ал төртінші орынды Қазталов ауданының Тереңкөл командасы иеленді.
Шыңғырлаулық «Алмаз» құрамасының бұл жетістігіне спорт әдіскері Самғат Жантөриннің жүйелі дайындығы мен ұйымдастырушылық еңбегі зор үлес қосты.
Сара Әділ,
Шыңғырлау ауданы
