Еріген қар суы мен толассыз жауын Сырым ауданындағы өзендерді арнадан шығарып жіберді.
Шідертінің арнасы жайылған. Ал майдақоңыр толқынды Өлеңті өзені бірер сәтте тажалға айналып шыға келді.
27 наурыз күні 17:00-ден бастап деңгейі секунд санап көтерілген өзен ақыры ауылдың ішіне кірді. С. Сейфуллин көшесіндегі үйлер суда тұр. Өлеңті ауылында да суға кеткен үй көп. Ақдала көшесінің тұрғындары қауіпсіз жерге қайықпен шығарылды.
Аудан бойынша мыңдаған адам эвакуацияланды. Олар қазір уақытша мектептерге, қонақүйлерге қоныстануда.
Төтеншеліктер де, жергілікті билік те, ауыл азаматтары да тасқынның салдарымен күресіп жатыр. Бірақ табиғи апатты адам тоқтата алмайды.
Бауыржан Ширмединұлы,
Сырым ауданы
zhaikpress.kz
