ҚР Ұлттық ұланының «Батыс» өңірлік қолбасшылығына қарасты әскери бөлімдердің сарбаздары мен әскери қызметшілері Қазақстан Президенті Қасым-Жомарт Тоқаевтың халыққа арнаған Жолдауын тікелей эфирден тамашалады.
Әскери қызметшілер Мемлекет басшысының елдің алдағы дамуына қатысты негізгі бағыттар мен міндеттер туралы айтқан сөздерін тыңдап, маңызды бастамалармен танысты.
Жолдау аяқталған соң әскери бөлімдерде оның негізгі бағыттары мен көтерілген мәселелер жеке құрамға түсіндіріліп, талқыланды.
ҚР Ұлттық ұланы «Батыс» өңірлік қолбасшылығының баспасөз қызметі
