Ақпәтерлік түлектер «Рухани жаңғыру» бағдарламасының «Туған жер» арнайы жобасы аясында Ақпәтер ауылындағы көпбалалы отбасыға баспана сыйлады.
Сонымен қатар ауыл халқының салауатты өмір салтын қалыптастыру, бұқаралық спортты дамыту мақсатында туған жерге волейбол алаңын тарту етті. Түлектердің игі бастамасына Ақпәтер ауылдық округінің әкімі Төлеген Сүйншқалиев қатысып, түлектерге ризашылығын білдіріп, аудан әкімінің алғыс хатын табыстады.
Ақпәтер жалпы орта білім беретін мектебін 2003 жылы бітірген 20 жылдық мектеп түлектері 2 млн теңгеге Жанатбек Ибрашев пен «Алтын алқа» иегері Нұргүл Аубекерованың отбасына жаңа баспана сыйлады.
Отбасы шаңырақта екі ұл мен алты қыз тәрбиелеп отыр. Отағасы ақылы қоғамдық жұмыста қызмет етсе, отанасы үй шаруасында. Балалары мәдени-көпшілік, спорттық шараларға белсене араласып жүр. Үлкен ұлы Қайсар Ибраш Ж.Досмұхамбетов атындағы жоғары педогогикалық колледжінің «Дене тәрбиесі және спорт» мамандығының ІІ курс студенті.
Ал мектепті 1993 жылы бітірген түлектер 1 млн 500 мың теңгеге ауылға волейбол алаңын салып берді.
Асылбек Нәсіпқали,
Казталов ауданы
zhaikpress.kz
26.09.2023, 17:30
26.09.2023, 15:30
26.09.2023, 14:45
26.09.2023, 12:45
