Дәл қазір Тасқала аудандық жастармен жұмыс жөніндегі ресурстық орталықтың ұйымдастыруымен аудандағы «Дияр» балалар ойын-сауық орталығында аудан әкімі Бауыржан Есқайырұлы Айтмағамбетовпен кездесу кеші өтуде.
Еркін нұсқада ұйымдастырылған кешке ауданның белсенді жастары қатысты. Алғаш рет ұйымдастырылып жатқан кеш жастардың қызығушылығын арттыруда. Түрлі деңгейдегі спорт, мәдени шаралардың жеңімпаздары аудан әкімдігі тарапынан қолдаудың жоғары екендігін атап өтті.
Кездесуде «Жұдырық» жас жайдарманшылар өздерінің әзілдерін ортаға салып, көрерменге керемет көңіл-күй сыйласа, жас робот сүйер маман Наргиза Доскалиева өзінің роботтарын таныстырып, болашақ жоспарларымен бөлісті.
Еркін бағытта ұйымдастырған кеште жастар ұсыныс-пікірлерін айтты. Алдағы уақытта аталған іс-шара жалғасын тауып, елге үлгілі тұлғалармен кездесу жоспарлануда.
Меңдібек Лұқпанов,
Тасқала ауданы
zhaikpress.kz
1.06.2023, 17:17
31.05.2023, 15:00
25.05.2023, 18:00
25.05.2023, 17:50
