Бүгін сағат 13:24-те Екібастұз қаласындағы Қонаев, 5 көшесінде орналасқан автогаз құю бекетінде газ құйылған төрт резервуар жанды. Бұл туралы ҚР-ның Төтенше жағдайлар министрлігінің баспасөз қызметі хабарлады.
Сондай-ақ оқиға орнында шамамен 40 газ баллон болған. Өрт жақын маңдағы "Феруза"азық-түлік дүкеніне өтіп, шамамен 200 шаршы метр аумақтағы шатыр, сондай-ақ 20 шаршы метр аумақтағы су мұнарасының шатыры өртенген.
Сағат 15:22-де цистернаның жанынан 2006 жылы туған ер адамның денесі табылды.
Өрт 15:00-де оқшауланып, 15:44-те сөндірілген. Оқиғаның мән-жайы анықталып жатыр.
zhaikpress.kz
