Премьер-министр Олжас Бектеновтің төрағалығымен өткен Үкімет отырысында егін жинау науқанының барысы және күн тәртібінен тыс еліміздің жылыту маусымына дайындығы да қаралды.
Орташа көлемнен жоғары өнім: бірқатар аймақтағы ауа-райының қиын жағдайларына қарамастан, қабылданған шаралар орташа көлемнен жоғары өнім алуға мүмкіндік береді. Сақтауға түскен астықтың 74%-дан астамы 3 және одан жоғары сыныптарға жатады.
Су үнемдеу технологиялары: Үкімет фермерлерді оларды қолдануға ынталандыруды жалғастырады. Премьер-министр ауыл шаруашылығы техникасына ұқсас жаңбырлатып суару машиналарын сатып алу үшін жеңілдетілген қаржыландыруды пысықтауды тапсырды.
Егіннің сақталуы: өңірлерге элеваторлардың, астық қоймалары мен астықты кептіруге арналған қуаттардың дайындығын қамтамасыз ету, сондай-ақ өнімнің жоғалуы мен сапасының нашарлауына жол бермеу тапсырылды. Жоспарланған өнім көлемі ішкі нарық пен дәстүрлі экспорт көлемі үшін жеткілікті.
Көкөніс қорлары: әкімдіктерге көкөністердің, әсіресе картоптың қажетті көлемі бойынша уақтылы келісімшарттар жасау және оны сақтауға жіберу, тапшылыққа, бағаның көтерілуіне жол бермеу тапсырылды. Артық өнім экспортқа бағытталатын болады.
Терең өңдеу: Жамбыл облысында жүгеріні терең өңдеу зауыты ашылды. Биылғы жылы осы дақылдың егіс алқабы 60%-ға, яғни 106 мың гектарға дейін ұлғайтылды. Инвестициялық жобаны сүйемелдеудің арқасында өндіріс басталғаннан іске қосылғанға дейін бір жарым жылдан аз уақыт өтті.
2027 жылғы егіс науқанына дайындық: «Бәйтерек» холдингіне ауыл шаруашылығы тауарын өндірушілерді уақтылы қаржыландыруды қамтамасыз ету тапсырылды. Әкімдіктер қажетті көлемде сапалы тұқым дайындап, тыңайтқыштар, элиталық тұқымдар және ауыл шаруашылығы техникасын жаңарту бойынша белгіленген көрсеткіштердің орындалуын қамтамасыз етуі тиіс.
Жылыту маусымына дайындық: жылыту бес өңірде — Павлодар, Ақмола, Солтүстік Қазақстан, Шығыс Қазақстан және Қостанай облыстарында берілген. Жылу желілерінің жалпы дайындығы 99%-ды құрайды, 377 шақырымның 374 шақырымы дайын. 17 мың шақырым электр беру желісі толық жөндеуден өтті.
Жылу бірінші кезекте әлеуметтік нысандарға: Премьер-министр әкімдерге дайындықты жеделдетуді және ең алдымен балабақшаларға, мектептерге, ауруханалар мен емханаларға жылу беруді бастауды тапсырды. Жоспар 82%-ға орындалған Семей қаласы ерекше бақылауда тұр.
