"Жасыл ел" еңбек жасағының сарбазы болу – қазіргі таңда үлкен бедел, себебі студенттер бос уақыттарында еліне қызмет етіп, туған жерін гүлдендіруге, көгалдандыруға атсалысса, екіншіден, жазғы демалыстарын тиімді өткізеді. Биыл аудан бойынша «Жасыл ел» еңбек жасағы екі кезеңде алпыс сарбазды қамтымақ.
Шыңғырлау ауылдық округі аппараты және жастармен жұмыс жөніндегі ресурстық орталығының ұйымдастыруымен түске дейінгі уақытта аудан орталығы бойынша "Жасыл ел" еңбек және құрылыс жасақтарының екінші легінің сарбаздарына арнайы киімдері табысталып, жұмыс басталып кетті.
Г.Шынтас,
Шыңғырлау ауданы,
zhaikpress.kz
