ҚР ІІМ баспасөз қызметі хабарлағандай, полиция есірткіге қарсы жұмыс аясында «Қарасора - 2026» шарасын өткізіп, Шымкентте есірткі дайындаудың тағы бір жолын кесті.
Фото: gov.kz
ІІМ комитет төрағасының орынбасары Елдар Әбдікеновтің айтуынша, қала тұрғыны өз үйінің ауласында «гашиш» пен «марихуана» өсіріп, оны саудалаумен айналысқан. Тінту кезінде бақшадағы көкөністердің арасынан есірткісі бар шамамен 130 түп өсімдік табылды. Сондай-ақ қора-қопсыдан 330 килограмнан астам есірткі шикізаты мен сатуға дайындап қойған өнімдер тәркіленді.
Қазіргі уақытта Қылмыстық кодекстің екі бабы — есірткіні сату мақсатында сақтау және оны өсіру бойынша қылмыстық іс қозғалып, тергеу жүріп жатыр. Тәртіп сақшылары бұл заңсыз іске қатысы бар басқа да күдіктілер мен есірткі таралған аймақтарды анықтауда.
ІІМ есірткіні заңсыз өсіру мен таратуға қарсы күресті алдағы уақытта да жалғастырады.
