Ел Тәуелсіздігінің 28 жылдығына арналып, Бөкей ордасы аудандық балалар-жасөспірімдер спорт мектебінде салтанатты жиын өтті.
Мектеп директоры Д.Семилиди ұжым мүшелерін мемлекеттік мейраммен құттықтады. Сонымен қатар мерейлері үстем болған спортшыларды марапаттады. Б.Ахтаров, С.Дінсейітов, Т.Жұмағазиев, Н.Семилиди, У.Нұрғалиев облыстық дене шынықтыру және спорт басқармасының басшысы Ә.Аманбаеваның алғыс хатымен, Н.Ғазезов, С.Дінсейітов "Спорттағы жетістіктері үшін" медалімен, Ж.Бекеев "Ардагер спортшы" медалімен марапатталды. Тағы да бір топ қызметкерге мектеп директоры Д.Семилидидің алғысхаты мен сыйлықтары табыс етілді.
Айта кетелік, осы күні аудандық балалар-жасөспірімдер спорт мектебінің кезекті педагогикалық кеңес өтіп, онда төрт мәселе қаралды.
Күн тәртібіндегі «Оқушылардың бақылау сынақтарын тапсыру жайы, нәтижелерінің өсу мониторингісі», «Спорттық топ спортшыларының жарыстарға қатысу барысы», «Өсу динамикасы бойынша жоғары жетістіктерге үмітті спортшыларымен жүргізілетін жұмыс тәжірибесімен бөлісу», «Ата-аналармен жұмыс» мәселелерін бапкерлер қызу талқылап, тиісті шешімдерін қабылдады. Пауэрлифтинг үйірмесінің бапкері Р.Қожағалиев дарынды спортшыларды іріктеу жөніндегі пікірімен бөлісті.
Қуанғали Жанғуатұлы
Бөкей ордасы ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
