Бөкей ордасы ауданының балалар техникалық шығармашылығы орталығының үйірмешісі Жұмағали Қалиев пен оның жетекшісі, аталмыш орталықтың қосымша білім беру педагогі Нұрмыханбет Мұстафин техник-спортшы атанды. Нақтырақ айтқанда, оларға облыстық дене шынықтыру және спорт басқармасының бұйрығымен «Кеме үлгілерін жасау спортынан Қазақстан Республикасының спорт шеберлігіне кандидат» спорттық разряды берілді.
Жұмағали Нұрмыханбет Болатұлы жетекшілік ететін «Кеме үлгісі» үйірмесіне төрт жылдан бері қатысып келеді. Осы жылдар ішінде аудандық, облыстық, республикалық жарыстардың жеңімпазы атанды. Дәстүрге айналған жарыстарға да жүйелі қатысып, үздік нәтижелерге қол жеткізіп жүр. Облыстық чемпионатта Ф2-В класынан ІІІ орын, облыстық «Кеме үлгілеу» спорттық жарысында радиобасқарғыш кемесі-Ғ2-А 900 мм класынан І орын, осы облыстық жарыста жүрдек кеме FSR-ECO Mini-еxpert класынан І орын, радиобасқарғыш кеме-Ғ2-В 900-1400 ММ класынан ІІ орын, кеме үлгілері жасау спорты бойынша ересектер арасындағы облыс чемпионатында Ф2-В класынан ІІ орын, аталмыш жарыста Мini Expert класынан ІІ орын, Mini Mono класынан І орындарды иеленді. Қарағанды қаласында өткен республикалық Кеме үлгісі спорты бойынша ХХV чемпионатында ЕК-600 класынан ІІІ орын, осы чемпионатта FSR-ECO Mini-еxpert класынан ІІІ орындарды иеленді.
Бақытгүл Сәлімова
АБТШО қызметкері
Бөкей ордасы ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
