«Нұр Отан» партиясы Тасқала аудандық филиалының мәжіліс залында аудандық ішкі саясат бөлімі, аудандық жастармен жұмыс жөніндегі ресурстық орталықтың қолдауымен «Ақ отау» қоғамдық бірлестігінің ұйымдастыруымен «Менің отбасым – менің бастамам! Мен олар үшін жауаптымын!» атты семинар өтті.
Семинарға «Ақ отау» қоғамдық бірлестігінің төрайымы А.Искалиева, салауатты өмір салтын қалыптастыру орталығының психологі Т.Мурсалимова, дәрігер маман С.Дмитрюк, сондай-ақ «Тасқала әйелдері» қоғамдық бірлестігінің төрайымы В.Завгарина мен «Намыс» жастар қоғамдық бірлестігінің төрайымы Г.Мулдашева қатысты.
Семинар жұмысында отбасы құруды жоспарлау, отбасылық құндылықтар туралы ашық ой-пікірлер айтылып, баяндамашылар дайындаған ақпараттар қатысушылардың ойынан шықты.
М.Жексенғалиев
Тасқала ауданы