Жылыту маусымында пешті пайдалану кезінде қауіпсіздік талаптарын сақтау аса маңызды. Пештің немесе мұржаның ақауы, сондай-ақ бөлменің дұрыс желдетілмеуі өртке және улы газбен улануға әкелуі мүмкін. Бұл туралы ҚР Төтенше жағдайлар министрлігі жазды.
Сондықтан қауіптің алдын алу үшін:
Пеш пен мұржаның жарамдылығын тексеріңіз;
Түтін шығатын жолдардың бітелмегеніне көз жеткізіңіз;
Үй-жайдың тұрақты әрі дұрыс желдетілуін қамтамасыз етіңіз;
Улы газ датчигін міндетті түрде орнатыңыз;
Пешті қараусыз қалдырмаңыз және жанғыш заттарды оның маңында сақтамаңыз.
Бір датчик бір отбасының өмірін сақтап қалуы мүмкін!
