1.06.2023, 21:04
Оқылды: 47

Оралда терроризмге қарсы жедел-тактикалық оқу-жаттығулар өткізіледі

Ертең, яғни 2 маусым күні Орал қаласындағы Деповская көшесінде Терроризмге қарсы күрес жөніндегі Батыс Қазақстан облыстық жедел штабының жоспарына сәйкес терроризмге қарсы жедел-тактикалық оқу-жаттығулар өткізіледі.

98018AB7-DA07-4677-B8E8-889E660E8657

Бұл туралы Терроризмге қарсы күрес жөніндегі Батыс Қазақстан облыстық жедел штабының бұқаралық ақпарат құралдарымен өзара іс-қимыл тобы хабарлады.

«Оқу-жаттығудың мақсаты – мемлекеттік және құқық қорғау органдарының террорлік актілердің жолын кесу, олардың зардаптарын барынша азайту және жою жөніндегі қызметке дайындығын тексеру.

Сағат 09.00-13.00 кезеңінде аталған көшеде шектеу шаралары енгізіледі. Осыған байланысты тұрғындардан сабырлық сақтауды сұраймыз!

Сондай-ақ қауіпсіздік шараларын сақтанып, жүріп-тұру бағытын алдын ала жоспарлауды және оқу-жаттығуларға жұмылдырылған құқық қорғау органдары өкілдерінің заңды талаптарын орындауды сұраймыз.

Ескерту ӘҚБтК-нің 443-бабына сәйкес қоғамдық тәртіпті қамтамасыз етуге қатысатын адамның заңды талабына бағынбау әкімшілік жауапкершілік көзделген.

Сонымен қатар, жалған хабарламалар таратқаны үшін ҚР ҚК 274-бабы бойынша қылмыстық жауапкершілік қарастырылған. Сондықтан жалған хабарламалар мен ақпараттарды таратпауды сұраймыз», деп жазылған хабарламада.

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале