«КАМЕДА» қоғамдық қорының директоры Махаббат Еспенова қазақстандықтар арасында вакцинация туралы жиі қойылатын сұрақтарды атады.
«Біріншіден, вакцина ескі коронавирус штамында сыналған және мутацияға ұшыраған вирусқа қауқарсыз дегенді жиі естиміз. Екіншісі «Қазір вакцина алатын болсақ, үш-төрт жылдан кейін, тіпті келешекте қандай әсері болатынын білмейміз ғой» дегенге саяды. Кейінгі кезде «вакцинаның орнына жай сұйық егіліп жатқан жоқ па» деп сұрайтындар көбейді. «Нағыз вакцинаны сатып, бізге түсініксіз зат салып жатыр екен» деп сұраушылар көп», - деді Махаббат Еспенова елорда әкімдігі ұйымдастырған дөңгелек үстел барысында.
Қор директоры мұндай күмәнді пікірлердің бәрі мамандардың талқысына салынып, жоққа шығарылғанын айтады.
inform.kz
