Бөкей ордасы аудандық мәслихат төрағасы Лариса Қайырғалиеваның төрағалығымен және аудан әкімі Нұрлыбек Даумовтың қатысуымен аудандық мәслихаттың 2023 жылғы 27 желтоқсандағы №12-11 «Бөкей ордасы ауданы бойынша аудандық аумақтық және учаскелік сайлау комиссияларының жаңа құрамдарын сайлау туралы» шешіміне өзгерістер енгізуге қатысты сессия отырысы өтті.
Аталмыш жиынға жоғарыда аталған тұлғалармен қатар ауылдық округ әкімдері, мәслихат депутаттары және тиісті мекеме басшылары онлайн және оффлайн форматында қатысты.
Сессия күн тәртібінде аудандық мәслихат аппаратының бас маманы Нұрлыбек Хамзин «Бөкей ордасы ауданы бойынша аудандық аумақтық және учаскелік сайлау комиссияларының жаңа құрамдарын сайлау туралы» шешіміне өзгерістер енгізуге қатысты ақпаратты баяндады.
Сессия қорытындысында «Қазақстан Республикасындағы жергілікті мемлекеттік басқару және өзін-өзі басқару туралы» Заңның 6-бабына және «Қазақстан Республикасындағы сайлау туралы» Қазақстан Республикасының Конституциялық Заңының 10- бабының 3- тармағына сәйкес, қоғамдық бірлестіктердің ұсыныстары негізінде босатылған мүшелерінің орнына Нұрлыбек Құрманғалиев, Назерке Нұресова, Рашит Нұрболатов, Жайық Қуанышалиев пен Тілекші Бисеновалар сайланды.
Сессия барысында депутаттар қабылдаған шешімге қарсы, қалыс табушылар болмады.
Темхар Рахметолла,
Бөкей ордасы ауданы
