Таяуда аудан әкімінің орынбасары А.Шүкірғалиева бастаған ақпараттық-насихат тобы «Нұр Отан» партиясы аудандық филиалы ғимаратында және аудан орталығындағы №3 ЖОББҚМ-де болып, онда "Тәуелсіздік. Келісім. Болашағы біртұтас ұлт" атты Қазақстан халқы Ассамблеясының ХХІV сессиясында айтылған "Мәңгілік елге" апаратын басты құндылықтар жайында сөз өрбітті.
Сондай-ақ, "Мәңгілік ел" патриоттық актісін, білім саласындағы реформаларды, жер мәселесіне қатысты заңнамаға түсінік жұмыстарын баяндаған аудан әкімінің орынбасары А.Бекетқызы мен аудандық ардагерлер кеңесінің төрағасы М.Шапихов кездесу барысында қызметкерлердің пікірлерін тыңдап, олармен ой бөлісті.
Алтынбек Ермекқалиев
Жаңақала ауданы
