30 мамыр күні БҚО бойынша Сыбайлас жемқорлыққа қарсы қызметтің және «Батыс Қазақстан облысының қорғаныс істері жөніндегі департаменті» ММ (одан әрі – БҚО ҚІД) басшылығының қатысуымен БҚО ҚІД Бөрлі ауданы қорғаныс істері жөніндегі бөлім бастығына қатысты әскерге шақырушылардың өзінен және олардың ата-аналарынан ҚР Қарулы Күштерге шақырудан кейінге қалдыру және денсаулығына байланысты жарамсыз туралы әскери билетті алуға көмектескені үшін пара алу жайтымен өндірісі аяқталған қылмыстық іс бойынша ҚР ҚПК-нің 200 бабының тәртібінде жолданған ұсыным қаралды.
Тергеу барысында қылмыс жасауға және басқа да заң бұзушылықтардың орын алуына ықпал еткен мән-жайларды жою жөнінде ұсыныстың жолдауына негіз болған БҚО ҚІД басшылығының тарапынан бірқатар бұзушылықтар анықталды.
Бұл іс-шараның мақсаты ҚІД қызметінде орын алып отырған сыбайлас жемқорлық тәуекелдерін жою бойынша алдын алу шараларын қабылдау.
Сонымен, БҚО бойынша Сыбайлас жемқорлыққа қарсы қызметтің басшыларымен ҚІД қызметінде сыбайлас жемқорлыққа қарсы іс-қимыл жағдайы туралы ақпарат жеткізілді және қызмет барысында туындаған сыбайлас жемқорлық тәуекелдерін жою туралы ұсынымдар берілді. Ұсынымды қарау нәтижесі сай БҚО ҚІД басшыларына төмендегілер ұсынылды:
- сыбайлас жемқорлық құқық бұзушылықтарды түбімен жоюға және қоғамда сенімділікті арттыруға бағытталған жүйелі іс-шаралар өткізу;
- бөлім қызметкерлері арасында сыбайлас жемқорлықтың пайда болу жайттарының алдын алу мақсатында, сыбайлас жемқорлыққа қарсы дүниетанымды қалыптастыру жұмыстарын тұрақты түрде ұйымдастыру, сондай-ақ, парасаттылық, адалдық қағидаларына негізделген қызметкерлердің жеке мінезделуі;
- шешімдер қабылдау кезінде дискрециялық өкілеттіктер бар функционалдық міндеттерді іске асырумен байланысты барлық тәуекел аймақтарды көрсете отырып, сыбайлас жемқорлық тәуекелдерге ішкі талдау жүргізуді ұйымдастыру;
- сыбайлас жемқорлық тәуекелдерін жасаған жағдайлардың алдын алу, жою, ескерту жұмыстарын күшейту, сондай-ақ, салық саласында заңнамаларды түсіндіру.
Сыбайлас жемқорлық фактілері туралы кез келген азамат 24/7 режимінде жұмыс істейтін «1424» Call-орталығы арқылы Сыбайлас жемқорлыққа қарсы қызметке хабарлай алады.