Сырым ауданы, Өлеңті ауылындағы «Сырым НАН» наубайханасы айт мерекесінің құрметіне халыққа нанды тегін беріп жатыр. Күніне 100 нан пісіретін шағын өндіріс орнының бұл қадамға табысы тасығаннан барып отырмағаны белгілі.
Ниетіміз – жақсы ат жинау емес, жақсылықтың үлкен-кішісі болмайтынын көрсету. Қасиетті Құрбан айт мерекесінің түпкі мақсаты – адамдардағы жомарттықты, жақсылық жасауға деген ниетті ояту, – дейді наубайхана иелері.
Ауыл тұрғындары жергілікті наубайхананың мейрамға деген құрметіне разы болып жатыр.
Бауыржан ШИРМЕДИНҰЛЫ,
Сырым ауданы