Жоба жетекшісі «ҚазИИТУ» ғылыми-білім кешенінің ректоры, профессор Әліби Баяхов, «Нарын» қоғамдық бірлестігі басшысының орынбасары Айболат Сейтақ, Ресей ғарыш академиясының кеңесшісі, «Ресей ғарыш» журналының тілшісі Валентина Полетаева қазталовтықтармен кездесті.
Экспедиция мүшелері Елбасының «Болашаққа бағдар: рухани жаңғыру» мақаласындағы «Туған жер» бағдарламасына баса назар аударды. Олардың айтуынша, жеріміздің тарихы, соның ішінде Нарынмен шектесіп жатқан аймақты өскелең ұрпаққа насихаттау керек.
Сонымен қатар Кеңес Одағы кезінде «Капустин-Яр» полигоны туралы айтылды. Батыс Қазақстанда орналасқан зымыранға 70 жыл толды. Бұл бағытта атқарылатын шаралардың маңыздылығы зор деді қатысушылар.
Бұл мәселе алдағы күндері БҚО-ның зымыран тарихының 70 жылдығына арналған «Еуразиялық өзенаралық: өндіріс, ғылым және білім беру интеграциясы» VII халықаралық интеграциялық форумында қозғалатын болады.
Әсем БОЛАТ
Қазталов ауданы
zhaikpress.kz