Жыл басынан бері орман және жануарлар дүниесін қорғау жөніндегі Чапаев мемлекеттік мекемесі бойынша ел байлығын қорғауға байланысты 13 тексеріс жүргізілді.
Бұл шараның қорытындысымен 2 адамға хаттама толтырылды. Айталық, Ақжайық аудандық ІІБ-нің жергілікті полиция қызметімен бірлескен байқастауда аудан тұрғыны С. тоғайға 9620 теңге залал келтіргені анықталды. Ол 1 текшеметр көлемінде көктерек кескен.
Сөйтіп, оған ҚР Орман кодексінің 36-бабының 1-бөлігімен, ҚР ҚК-нің 340-бабының 2-бөлігімен 60125 теңге айыппұл салынды. Ал жуырда тағы бір бірлескен байқастау кезінде тұрғын Е. де Орман кодексінің аталған бабы мен бөлігін бұзған кезінде қолға түсті. Ол 7 текшеметр көктеректі кескен. Оған да 60125 теңге айыппұл салынды.
Бекем БЕКҰЛЫ
Ақжайық ауданы