Жақында Казталов ауданының Жалпақтал ауылының әкімі Әлия Жақсыбаева Қараөзен өзені үстіне орналасқан ауыл ішіндегі көпірдің ақауы барын айтып, жерлестерін хабардар еткен болатын.
Қаражат көзі қаралып, оған жөндеу жұмыстары жүргізілгенше, аталмыш көпір пайдалануға жарамсыз болып қалуы әбден мүмкін еді. Осы жағдайға байланысты дер кезінде көмекке келген "Дорремсервис" ЖШС-ның Жалпақтал бөлімшесі (бөлімше бастығы Мұрат Ахметжанов) қызметкерлері бір ауыздан келісіп, көпірді тегін жөндеп берді.
Көпірдің техникалық жағдайын түгел тексерістен өткізіп, үш күн бойына жөндеу жұмыстарымен қатар тазалығын да қолға алып, көпір үстінде батпандап жиналған балшықтарды да арнайы техникамен шығарды.
Қыдыр Харесұлы
Казталов ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
