Медицина қызметкерлеріне вакцина салу жұмыстары өңірлерде жалғасып жатыр. Кеше сырымдық дәрігерлер індетке қарсы екпе салдырды. Бұл ақпаратты Сырым аудандық орталық ауруханасының ресми парақшасы таратты.
- Бүгін Сырым аудандық ауруханасының медицина қызметкерлерін коронавирусқа қарсы вакцинациялау жұмыстары басталды. Олардың қатарында COVID – 19 індетімен күресіп жүрген мамандар бар. Ресейлік «Спутник V» вакцинасын салдыруға келген медқызметкерлер бірінші дәрігерлік тексеруден өтіп, сосын екпе алды. Екпе жүргізілгеннен кейін арнайы күту залында жарты сағат дәрігерлердің бақылауында болды, – деп жазылған парақшада.
Екпе алған мамандардың жағдайы бірқалыпты.
Бауыржан Ширмединұлы,
Сырым ауданы
zhaikpress.kz
