Бүгін «Қаз Сервис» ЖШС мен Коммухоз мекемесінің қызметкерлері ұйымшылдықтың жарқын үлгісін көрсетіп, бір кісідей референдум учаскесіне келіп, өз таңдауларын жасады. Олар өздерінің азаматтық белсенділігін танытып, ел болашағына бейжай қарамайтындарын іс жүзінде дәлелдеді.
Ұжым болып келіп дауыс беру – бірлік пен жауапкершіліктің айқын көрінісі. Осындай белсенділік қоғамдағы тұрақтылық пен бірліктің нығаюына ықпал етеді.Ел тағдырына қатысты маңызды шешімдер қабылданатын сәтте ұйым қызметкерлерінің бір кісідей атсалысуы – олардың елжандылығы мен азаматтық ұстанымының айғағы.
Бұл – тек өз міндетін атқару ғана емес, сонымен қатар келешек ұрпақтың жарқын болашағына деген сенім мен жауапкершіліктің белгісі.
Осындай ұйымшылдық пен белсенділік әрбір азаматқа үлгі болары сөзсіз.
Гүлмира Мақанова,
Тасқала ауданы
