Ақжайық ауданының орталығы-Чапаевта осы ауданының Құрметі азаматы, «КСРО-ның озат мәдениет қызметкері» белгісінің иегері, сазгер Ғұбайдолла Хибашевтың әндерін орындаудан облыстық «Ақжайық-өлкем» атты байқау басталды.
Оған қатысушыларды және Ғ.Хибашевті аудан әкімі Әділ Жоламанов қабылдады. «90-нан астам әні бар танымал сазгер Ғұбайдолла Хибашевтың шығармаларын орындаушылардың байқауы Чапаевта өтуі біз үшін зор мәртебе. 2012 жылдан бері өтіп келе жатқан бұл өнер мерекесі мәдени-рухани құндылықтарымызды еселеуге айтулы серпіліс беріп келеді. Сондықтан Ғұбайдолла ағамызға, осы шараның қолдаушылардың бәріне алғысымыз шексіз»- деді ол.
Конкурсқа 11 әнші келді. Қазір олардың алды репертуардағы алғашқы әндерін орындады.
Бек Сүйініш