Жылқы шаруашылығын дамытуға арналған «Құлан» бағдарламасын аясында ауданда 5 шаруа қожалық кәсібін дөңгелетуде.
Мәселен, «Батыс - Шаруа» ЖШС арқылы «Жәрдем», «Файнуллин», «Жұмақай», «Көбеев» сынды шаруа қожалықтары 88,5 млн теңгеге 329 жылқы сатып алған. Айта кетейік, Көшім ауылында орналасқан «Жұмахай» шаруа қожалығы келешекте 5,7 млн. теңгеге 17 бас қашар және 2 бұқа алып кәсіпті кеңейтпек ойда.
Сондай - ақ, «Агрокредиттік корпорация» АҚ арқылы 30 млн теңгеге «Зима + Лето» шаруа қожалығы 98 бас бие және 7 асыл тұқымды айғырлар сатып алды.
Самал ЖАМЕТ
Зеленов ауданы
